![](https://www.epokaere.com/wp-content/uploads/2021/12/newcastel.jpg)
Newcastle ofron 40 milionë euro për yllin e Realit
19 janar 2022
| 11:51
Skuadra e Newcastle Unitedit është e interesuar për transferimin e Eden Hazardit nga Real Madridi. Mediumi “El Nacional” raporton se klubi anglez i ofron 40 milionë euro për futbollistin belg. Por, Reali duket se e ka refuzuar këtë ofertë.
“Los Blancos” e kishte blerë lojtarin për 115 milionë euro nga Chelsea dhe nuk dëshiron të humbasë aq shumë para.
“Mbretërit e Spanjës” do ta shisnin 31-vjeçarin vetëm për një ofertë prej më shumë se 50 milionë eurosh. Gjithashtu, duket se edhe përfaqësuesi belg nuk është i interesuar për t’iu bashkuar ekipit bardhezi. Më shumë ai do ta pëlqente rikthimin në Chelsea, ku e kishte arritur kulmin e karrierës.