Ylli brazilian Neymar ka folur për shortin e 1/8-ave të Ligës së Kampionëve, i cili ofroi një finale të parakohshme, me PSG-në që do të përballet pikërisht me kampionët në fuqi, Realin e Madridit.

Neymar shprehet mjaft optimist për këtë sfidë dhe thotë se në fund do jetë Parisi që do të kualifikohet për më tej.

“Reali i Madridit është një skuadër mjaft e fortë, por jo e pathyeshme. Edhe ne jemi një ekip i konsoliduar, me shumë element që mund të bëjnë diferencën dhe jam i bindur që do t’ia dalim të kualifikohemi më tej”, ka thënë Neymar.