Sulmuesi i PSG-së, Neymar mund të largohet nga klubi francez këtë verë, sipas “The Athletic”.

Megjithatë, klubi e kupton se do të jetë shumë më e lehtë të shesë lojtarë me paga më të ulëta. Më herët u raportua se lidershipi i parisienëve synon të arkëtojë nga shitja e sulmuesit argjentinas Mauro Icardi.

Marrëveshja aktuale e brazilianit me klubin parisien është deri në verën e vitit 2025. Portali “Transfermarkt” e vlerëson lojtarin 30-vjeçar me 75 milionë euro. Neymar bëri 28 paraqitje për Parisin sezonin e kaluar, duke shënuar 13 gola dhe duke dhënë tetë asistime.