Në pikën kufitare të Morinit nuk mungojnë as udhëtarët nga Shqipëria që kanë zgjedhur ta kalojnë fundjavën në Kosovë.

Të dhënat e fundit nga Dogana e Morinit tregojnë se deri në mesditën e së shtunës kanë hyrë në territorin e Shqipërisë 4 291 shtetas dhe 2 036 mjete, ndërsa për në dalje nga Shqipëria për në Kosovë janë regjistruar 3 834 shtetas dhe 1 967 mjete.

Për ta përballuar fluksin, autoritetet po punojnë me të gjitha sportelet për t’i shmangur pritjet e gjata gjatë kontrollit në doganë./rtsh