![](https://www.epokaere.com/wp-content/uploads/2022/05/Vuciq.png)
Nga Brukseli Vuçiq cakton takim me serbët e Kosovës
18 gusht 2022
| 14:01
Presidenti i Serbisë, Aleksandar Vuçiq, nga Brukseli ka caktuar një takim me serbët e Kosovës për të dielën.
Siç raporton mediumi serb “Novosti”, takimi do të mbahet të dielën në orën 11:00 në Pallatin “Serbia” në Beograd.
Në takim janë të ftuar të gjithë përfaqësuesit politikë dhe institucionalë të serbëve nga Kosova, “udhëheqësit e Listës Serbe, të gjithë kryetarët serbë të komunave, drejtorët e spitaleve e të tjerë”.
Në Bruksel ka përfunduar rundi i parë i takimit trepalësh midis kryeministrit të Kosovës, Albin Kurti dhe presidentit të Serbisë, Aleksandër Vuçiq, me ndërmjetësimin e Bashkimit Evropian.
Për këtë takim pritet që Borrelli të flasë nga ora 14:15.