Nga xhirimet e filmit për konfliktin Palestinë-Izrael, aktori niset në luftën e vërtetë
Një film mund të bazohet në një ngjarje të vërtetë por që filmi të bëhet vetë ngjarja, kjo i ka ndodhur aktorit Tsahi Halevi i cili është protagonist i një filmi serial në Netflix që tregon historinë e konfliktit izraelito- palestinez.
Faqja zyrtare e serialit “Fauda”, i cili tregon historinë e konfliktit izraelito-palestinez në Netflix (krijuar nga Avi Issacharoff dhe Lior Raz) ka publikuar një video me aktorin izraelit Tsahi Halevi, ku ai lajmëron fansat e tij se po i bashkohet luftës.
Jeta ndonjëherë duket sikur e imiton artin.
“Siç e shihni, sot jam veshur ndryshe”, thotë aktori. “Kjo nuk është një skenë nga “Fauda, kjo është jeta reale. Ushtria jonë na thirri mëngjesin e së shtunës pasi filluan ngjarjet në jug të Izraelit dhe dua t’ju them se krahas sulmeve të frikshme, ku u vranë miqtë dhe të dashurit tanë, morali ynë mbetet i lartë”, nis kështu fjalimi i aktorit i cili është nisur për t’iu bashkuar forcave izraelite.
