“Janë të rritur dhe janë në gjendje t’i marrin vendimet e tyre. Kanë zgjedhur Scientology dhe si nënë është detyra ime t’i dua”, kështu Nicole Kidman tregon për Isabella dhe Connor, fëmijët adoptiv me ish-bashkëshortin Tom Cruise. Ajo tregon në një intervistë për revistën australiane “Who” për një argument për të cilin është shprehur shumë rrallë deri tani. “E di 150 për qind që do të hiqja dorë nga jeta ime për fëmijët e mi, sepse ky është qëllimi im në jetë”, kështu e shpreh dashurinë për fëmijët 23 dhe 25 vjeç aktorja të cilët tani thotë se i takon rrallë.