Kreu i koalicionit “Për Ardhmërinë e Malit të Zi”, njëherësh mandatar për kryeministër të Malit të Zi, Zdravko Krivokapiq i ka dërguar ftesë “Listës Shqiptare” për pjesëmarrje në formimin e Qeverisë së re.

Ky lajm është konfirmuar për gazetën “Pobjeda” nga bartësi i listës shqiptare, Nik Gjeloshaj.

Sipas gazetës, kjo ftesë nga mandatari Krivokapiq vjen si pasojë e frikës që nuk mund t’i marrë votat e mjaftueshëm për tu zgjedhur kryeministër i Malit të Zi.

Parlamenti i Malit të Zi ka gjithsej 81 deputetë, ndërsa koalicioni i ka 41 vota të deputetëve. Siç dihet nga kjo listë është zgjedhur një deputet shqiptar.