![](https://www.epokaere.com/wp-content/uploads/2021/10/zgjedhje.jpg)
Nis afati për certifikimin e partive dhe dorëzimin e listave të kandidatëve për deputetë
Komisioni Qendror i Zgjedhjeve (KQZ) ka njoftuar të hënën se ka nisur periudha për aplikim të subjekteve politike për certifikim dhe dorëzim të listës të kandidatëve për deputetë.
Në një njoftim për medie, KQZ-ja ka bërë me dije afatet kohore për certifikimin e partive politike dhe dorëzimin e listave të kandidatëve për deputetë.
“Gjatë periudhës 102 ditore (1 shtator – 11 dhjetor 2024), kërkesat për certifikim nga subjektet politike duhet të dorëzohen në Komisionin Qendror të Zgjedhjeve, përkatësisht në Zyrën për Regjistrim, Certifikim dhe Kontroll Financiar të Subjekteve Politike (ZRCKFSP), gjatë orarit të punës nga ora 08:00 deri në orën 16:00. Gjithashtu, gjatë kësaj kohe, subjektet politike (partitë politike, koalicionet, nismat qytetare dhe kandidatët e pavarur) duhet të dorëzojnë listën e kandidatëve për deputetë”, ka njoftuar KQZ-ja.
Zgjedhjet parlamentare do të mbahen më 9 shkurt.