Kryetari i Komunës së Vushtrrisë, Xhafer Tahiri, ka bërë me dije se sot ka filluar ndërtimi i objektit të ri të Shkollës Fillore ‘Migjeni’ në Stanoc të Epërm.

Tahiri është shprehur i lumtur për realizimin e këtij projekt duke thënë se pas kaq shumë vitesh po ndërtohet shkolla e re në një nga lokalitetet me numrin me të madh të banorëve në komunë.

“Sot kemi filluar ndërtimin e objektit të ri të Shkollës Fillore ‘Migjeni’ në Stanoc të Epërm. Jam shumë i lumtur për këtë projekt sepse pas kaq shumë vitesh po ndërtohet shkolla e re në një nga lokalitetet me numrin me të madh të banorëve në komunë. Urime nxënësve, mësimdhënësve e banorëve të Stanocit”, ka shkruar Tahiri në llogarinë e vet në “Facebook”.

 /Epoka e re/