Ministria e Shëndetësisë (MSh) ka njoftuar se tashmë kanë përfunduar të gjitha procedurat për furnizimin e insulinave, dhe se nga e premtja dhe ditëve në vijim do të vazhdojë shpërndarja e insulinave për pacientët me diabet nëpër Qendrat Kryesore të Mjekësisë Familjare (QKMF).

“Nis shpërndarja e insulinave në qendrat kryesore të mjekësisë familjare të Kosovës. Njoftohen të gjithë qytetarët e Republikës së Kosovës se pas hapjes së rrugëve ligjore, Ministria e Shëndetësisë ka përfunduar të gjitha procedurat për furnizimin e insulinave, dhe se nga sot dhe ditëve në vijim do të vazhdoj shpërndarja e insulinave për pacientët me diabet nëpër qendrat kryesore te mjekësisë familjare”, ka njoftuar MSh-ja.