Procesi i vaksinimi në Shkodër ka nisur me 150 vaksinime të bluzave të bardha në Shkodër dhe në Lezhë.

Ndërkohë më pas sipas planit nga ministria e Shëndetësisë në Shqipëri, grupi i vaksinuesëve ka shkuar edhe në shtëpinë e të moshuarve ku ka nisur për herë të parë ne vendin tonë vaksinimin tek të moshuarit që janë një ndër grupet më të rrezikuara.

I pranishëm gjatë nisjes së vaksinimit tek të moshuarit ka qenë edhe kryeministri i Shqipërisë, Edi Rama.

Në këtë azil do të vaksinohen 45 të moshuar, ndërsa Rama nuk i ka kursyer batutat me ta.

“Të kanë thënë që do vij unë dhe je bërë si nuse”, i tha Rama një nga të moshuarve.

Ndërkohë, në Tiranë, ministrja e Shëndetësisë, Ogerta Manastirliu bëri me dije se do të bëhet 300 doza në 24 orë dhe me kalimin e ditëve kjo shumë do të rritet për të shkuar në 500./TCh/