Një anije me ndihma ushqimore është larguar nga porti në Qipro dhe është nisur për në Gaza.

Anija që përdorej për kërkim dhe shpëtim, me flamur spanjoll u nis nga porti qipriot i Larnakas të shtunën, ka bërë të ditur Oscar Camps, themelues i një organizate bamirësie.

Operacioni për transportin e ndihmave në Gaza nga deti drejtohet nga World Central Kitchen, një organizatë joqeveritare që tashmë ka nisur një dërgesë ndihme nga Qipro në fillim të këtij muaji, shkruan CNN.

Bëhet e ditur se ngarkesa e ushqimit është qindra ton që do të transportohet për në Gaza, ndërsa këtë muaj, World Central Kitchen ka thënë se pothuajse 200 ton ndihma u dërguar me anije në Gaza, në një operacion të kryer në bashkëpunim me qeverinë e Emirateve dhe Open Arms, me mbështetjen e Qipros.