Policia e Kosovës, njësia për krime lufte, në bashkëpunim me prokurorinë dhe Institutin e Mjekësisë Ligjore, kanë nisur  sot gërmimet lidhur me dyshimet për mbetje mortore në një lokacion në Prishtinë, konkretisht në kompleksin e Universitetit të Prishtinës “Hasan Prishtina”.

Gërmimet kanë nisur pas marrjes së informacioneve nga disa qytetarët se në atë lokacion mund të ketë varrezë nga periudha e luftës së vitit 1999.

Kjo nuk është hera e parë që gërmohet në lokacionin e kampusit të Universitetit në Prishtinë.