NISMA akuzon Kurtin: Me heshtje nuk mbrohet UÇK-ja në arenën ndërkombëtare e në Gjykatën Speciale

NISMA Socialdemokrate sot ka mbajtur një konferencë për media, ku sekretari i përgjithshëm, Bilall Sherifi, ka folur rreth një deklarate të kryetarit të VV-së, Albin Kurti, më 15 nëntor 2020, ku kishte thënë se, “në Hagë, nuk janë duke u përndjekur vetëm individët, sepse UÇK-ja nuk ka qenë e asnjërit por e të gjithëve dhe që të gjithë duhet ta mbrojmë atë. Shteti i Kosovës duhet ta organizojë e ta koordinojë mbrojtjen e të pandehurve. Ata e pamë kanë avokatët e tyre secili, mirëpo nevojitet bashkërendimi nga shteti”. Lidhur me këtë Sherifi ka adresuar pyetje publike për Kurtin, duke i thënë se, Përse Albin Kurti heshti tërësisht gjatë procesit kur Gjykata Speciale duhej të vendoste lidhur me kërkesën e avokatëve për mbrojtjen në liri të përfaqësuesve të lartpërmendur të UÇK-së dhe përse nuk bashkërenditën së bashku me avokatët strategjinë e nevojshme për t’u siguruar atyre të mbroheshin në liri?

Gjithashtu, Sherifi tha se, Kurti kishte deklaruar se, mbrojtja e përfaqësuesve të UÇK-së “KJO ËSHTË EDHE PUNË QEVERIE, KJO ËSHTË SIDOMOS PUNË QEVERIE”!, e lidhur me këtë ai adresoj edhe një pyetje tjetër publike duke i thënë se, “Duam të dimë nëse mbrojtja e përfaqësuesve të UÇK-së është punë qeverie edhe tani, kur Albin Kurti udhëheq qeverinë, apo ky qëndrim i tij vlen vetëm për të tjerët por jo edhe për qeverinë që ai udhëheq?

Në fund, përmes kësaj konference NISMA i ka bërë ftesë kryeministrit Albin Kurti që t’i jep fund logjikës së veprimeve me Dy Kute, kur ndryshe fliste sa ishte në opozitë dhe krejt ndryshe është duke vepruar që nga ardhja në pushtet!

Deklarata e plotë e sekretarit të përgjithshëm të Nismës Socialdemokrate, në konferëncën e sotme për media.

Të nderuar qytetarë të Kosovës, të nderuar gazetarë!

Siç patët mundësinë të shihni nga kjo video 2 minutëshe, 10 ditë pas arrestimit të Jakup Krasniqit, Hashim Thaçit, Kadri Veselit dhe Rexhep Selimit, në cilësinë e udhëheqësit të opozitës së asaj kohe, gjatë konferencës për medie të mbajtur më datë 15 nëntor 2020, kryetari i VV-së, Albin Kurti ka deklaruar se:

Në Hagë, nuk janë duke u përndjekur vetëm individët, sepse UÇK-ja nuk ka qenë e asnjërit por e të gjithëve dhe që të gjithë duhet ta mbrojmë atë. Shteti i Kosovës duhet ta organizojë e ta koordinojë mbrojtjen e të pandehurve. Ata e pamë kanë avokatët e tyre secili, mirëpo nevojitet bashkërendimi nga shteti.

Shtrojmë pyetje publike:

Përse Albin Kurti heshti tërësisht gjatë procesit kur Gjykata Speciale duhej të vendoste lidhur me kërkesën e avokatëve për mbrojtjen në liri të përfaqësuesve të lartpërmendur të UÇK-së dhe përse nuk bashkërenditën së bashku me avokatët strategjinë e nevojshme për t’u siguruar atyre të mbroheshin në liri?

Në cilësinë e udhëheqësit të opozitës, më 15 nëntor 2020 Albin Kurti deklaroi se mbrojtja e përfaqësuesve të UÇK-së “KJO ËSHTË EDHE PUNË QEVERIE, KJOËSHTË SIDOMOS PUNË QEVERIE”!

Shtrojmë pyetje publike:

Duam të dimë nëse mbrojtja e përfaqësuesve të UÇK-së është punë qeverie edhe tani, kur Albin Kurti udhëheq qeverinë, apo ky qëndrim i tij vlen vetëm për të tjerët por jo edhe për qeverinë që ai udhëheq?

Në cilësinë e udhëheqësit të opozitës, më 15 nëntor 2020 Albin Kurti deklaroi: “Për fat të keq në këtë kohë të vështirë, Kosova nuk ka një qeveri që mund ta bëjë këtë. Kjo qeveri e paligjshme e cila që nga fillimi varej prej secilit deputet të Listës Serbe e që tash është veçse qeveri e pakicës që po tkurret përditë, nuk mund ta mbrojë e shpëtojë as vetveten, se lëre më ndokënd tjetër”

Shtrojmë pyetje publike:

Duam të dimë nëse është fat i mirë që tash në këto kohë të vështira, Lëvizja VETËVENDOSJE ka në duart e veta të gjitha institucionet qendrore të shtetit të Kosovës dhe qeveria aktuale e Kosovës varet vetëm nga Albin Kurti. Apo cilësimi si “FATKEQËSI” që i bënte Albin Kurti heshtjes së qeverisë së kaluar në mbrojtjen e përfaqësuesve të UÇK-së vlen vetëm kur të tjerët janë në pushtet?

Në cilësinë e udhëheqësit të opozitës, më 15 nëntor 2020 Albin Kurti akuzoi qeverinë në pushtet se nuk kishte për preokupim mbrojtjen e UÇK-së në arenën ndërkombëtare e në Gjykatën Speciale dhe këmbëngulte në domosdoshmërinë që të ishim bashkë në mbrojtje të luftës sonë çlirimtare.

Fatkeqësisht që nga ardhja në pushtet pas zgjedhjeve të 14 shkurtit Albin Kurti nuk ka ndërmarrë asnjë veprim që të mund të konstatonjmë se ai ka për preokupim mbrojtjen e UÇK-së në arenën ndërkombëtare e në Gjykatën Speciale.

Ai nuk ka ndërmarrë asnjë veprim në këtë drejtim edhe pse në cilësi të opozitarit deklaronte se mbrojta e UÇK-së “ËSHTË EDHE PUNË QEVERIE, SIDOMOS PUNË QEVERIE.

Prandaj, ftojmë Kryeministrin Albin Kurti që t’i jep fund logjikës së veprimeve me Dy Kute, kur ndryshe fliste sa ishte në opozitë dhe krejt ndryshe është duke vepruar që nga ardhja në pushtet!

Koha është që të bëjë saktësisht atë që kërkonte nga të tjerët sa ishte në opozitë!

https://www.facebook.com/bsherifi/videos/10160759592783219

Stop nacionalizmit romantik sllav!

Miopi politike

NISMA akuzon Kurtin: Me heshtje nuk mbrohet UÇK-ja në arenën ndërkombëtare e në Gjykatën Speciale

Lajme të sponsorizuara

Të Fundit

21 nëntor22:23

Shqipja në Maqedoninë e Veriut: Çfarë po e pengon zbatimin e Ligjit për gjuhët?

26 tetor10:52

Sulmohet fizikisht Kryetari i Pejës, Gazmend Muhaxheri

23 tetor09:03

Sllovakia e Lajçakut mbyll më 31 dhjetor Zyrën e saj Ndërlidhëse në Kosovë

14 tetor21:58

Ministri i Mbrojtjes: Kjo është fushata më e ashpër, ushtarët kanë tri shujta

25 shtator21:15

Sanksionet e radhës ndaj Kosovës: Policia e Kosovës përjashtohet nga trajnime ndërkombëtare të mbështetura nga SHBA-ja

19 shtator17:44

Orë dore, kravata, libra – Këto janë dhuratat që mori kryeministri Kurti

Stop nacionalizmit romantik sllav!

Miopi politike