Sekretari i Përgjithshëm i AAK-së, Muharrem Nitaj, ka shkruar për arritjen e marrëveshjes ndërmjet Kosovës dhe Serbisë, ku të dyja vendet heqin dorë nga lëshimi i dokumentit për hyrje-dalje për shtetasit e tyre.

Nitaj ka shkruar në “Facebook” Se pranueshmëria reciproke e dokumentëve identifikuese nga Serbia dhe Kosova, ose zbatimi i një marrëveshje të vitit 2011, mund të jetë një hap drejt pranimit faktik të realitetit të krijuar me shtetin e Kosovës.

“Por Kosova e realizon të plotë të drejtën e saj, vetëm me marrëveshjen për njohje, e cila po duket e pamundshme pa përfshirjen e drejtpërdrejt të SHBA-së. Sfida është të marrëveshja e madhe!”, ka shkruar Nitaj.