Një qytetar nga Peja ka ndarë me ndjekësit e tij në rrjetin social Facebook disa pamje ku shfaqet një person gjysmë i maskuar duke i vënë flakën veturës së tij që ndodhej e parkuar para shtëpisë së tij në lagjen Kapeshnicë.

Eroll Rexha ka deklaruar se vetura është djegur në tërësi.

“Sot rreth ores 03:07am, para shtëpis sime në lagjen Kapeshnicë, rruga Rozafa në Pejë, një person gjysëm i maskuar ja vënë flakën me lëndë djegëse makinës sime duke e djegur në tërësi dhe duke shkaktuar dëmë të tjera… Falënderoi Zotin që nuk kishim dëme në jetët e njerëzve dhe për rreth shtëpive të tjera”, shkroi Rexha.

Ai kërkon nga policia që ta zbulojë sa më shpejt të dyshuarin dhe të zbardhen rrethanat e rastit.

Postimi i plotë:

Mirëmengjesi bashkqytetarë, miq shokë e dashamirë.

Sot rreth ores 03:07am, para shtëpis sime në lagjen Kapeshnicë, rruga Rozafa në Pejë, një person gjysëm i maskuar ja vënë flakën me lëndë djegëse makinës sime duke e djegur në tërësi dhe duke shkaktuar dëmë të tjera…

Falënderoi Zotin që nuk kishim dëme në jetët e njerëzve dhe për rreth shtëpive të tjera!

Kërkoi me ngulm nga Policia e Kosovës, Prokuroria dhe akterët e rendit e sigurisë që sa më shpejt të zbulojn nxitësin dhe kryesin e këtij akti qyqar!

Faleminderit fqinjëve që më njoftuan dhe u solidarizuan me mua.

Faleminderit Policisë së Kosovës, Zjarrëfiksve që ishin në vend ngjarje.

Në fund një mesazh për gjithë ju.

“Kujdes kujt i bënë mirë”

Ju lutem më falni për shqetsimin!