Kanë qenë kinezët ata që kanë thënë një “fotografi flet më shumë se një mijë fjalë”.

Sigurisht se çdo histori fotografie ka kaq fjalë, por fotografitë e realizuara në kohën e luftës kanë fjalë më shumë se kaq. Një prej tyre është edhe kjo fotografi e realizuar më 11 shkurt 1999, në varrimin e 45 civilëve të vrarë në Reçak nga policia dhe ushtria serbe.

Në fotografi duken qytetarët shqiptarë që kanë ardhur në varrimin e civilëve shqiptarë të masakruar dhe një prej ushtarëve të Njësisë Speciale të UÇK-së, Gazmend Bytyçi, sot kandidat për deputet të Kuvendit të Kosovës nga Partia Demokratike e Kosovës, i cili me kallashnikov në duar ruan popullatën shqiptare nga policia serbe, e cila, po ashtu, rrinte aty gjatë varrosjes së civilëve shqiptarë të cilët i kishte masakruar disa ditë më parë.