Një i vdekur dhe 1 370 raste të reja me Covid në Kosovë
14 gusht 2021
| 14:54
Ministria e Shëndetësisë ka njoftuar se sipas të dhënave nga Instituti Kombëtar i Shëndetësisë Publike të Kosovës, nga 9.169 testime, 1.370 qytetarë kanë rezultuar pozitiv me virusin Covid-19.
Gjatë 24 orëve të fundit, është shënuar edhe një rast i vdekjes.
Sot janë shëruar edhe 47 qytetarë, derisa numri i përgjithshëm i të shëruarve është 106.056.
Në total numri i rasteve aktive është 6.815.
Në 24 orët e fundit janë dhënë 19.538 doza të vaksinës kundër Covid-19.
Prej fillimit të vaksinimit në të gjitha qytetet e Kosovës janë dhënë 559.007 doza të vaksinës.
Deri më sot 202.647 qytetarë janë vaksinuar me dozën e dytë.