Një person ka vdekur ndërsa dy të tjerë kanë mbetur të lënduar si pasojë e një aksidenti që ka ndodhur mëngjesin e sotëm në rrugën Zhur – Prizren.

Në aksident janë përfshirë një veturë dhe një kamion.

Lajmin e ka konfirmuar Azem Baraliu, shef i operativës së Policisë së Kosovës në njësinë e trafikut në Prizren.

“Aksidenti ka ndodhur rreth orës 7:30, në të cilin janë përfshirë një veturë dhe një kamion. Si pasojë e aksidentit, një person ka ndërruar jetë, ndërsa dy të tjerë janë lënduar”, ka deklaruar Baraliu.

Ai ka bërë me dije se një nga të lënduarit ka lëndime më të rënda, ndaj është dërguar për trajtim në Qendrën Klinike Universitare të Kosovës.