![](https://www.epokaere.com/wp-content/uploads/2022/07/vetura-2.jpg)
Një muaj paraburgim për francezët që u futën ilegalisht në Kosovë me veturën me targa ruse
Një muaj paraburgim është vendosur ndaj francezëve që kanë hyrë në Kosovë, përmes rrugëve ilegale gjatë së hënës.
Vendimi për masën e paraburgimit është marrë nga dega Gjykatës Themelore të Mitrovicës në Leposaviq.
Vendimi për një muaj paraburgim ndaj dy francezëve u vendos sot në Leposaviq, ndërsa lidhur me ndalimin e tyre dje është deklaruar edhe Policia e Kosovës.
B.G dhe A.F ishin ndaluar të hënë nga Policia e Kosovës në fshatin Jashanicë të Leposaviqit, pasi e kishin kaluar në mënyrë ilegale kufirin nga Serbia në Kosovë, me një veturë të tipit “Land Rover”, me targa ruse.
Në njoftimin e policisë u tha gjithashtu se të dyshuarit duke përdorur rrugët ilegale kanë hyrë në Kosovë, me ç’rast të njëjtit kanë kryer veprën penale “Kalimi i paautorizuar i vendkalimeve kufitare ose vijës kufitare”.