Një punëtore në një bankë në Ferizaj, ka raportuar se një person në emër të një firme ka deponuar 455 euro monedha metalike, të cilat kanë rezultuar se janë të falsifikuara.

Siç njofton Policia e Kosovës, monedhat janë konfiskuar nga njësitet policore, rasti është duke u hetuar.

“Ferizaj 14.12.2020-13:40. Ankuesja femër kosovare punëtore e një banke, ka raportuar se më 21 – 22.09.2020 një person mashkull në emër të një firme ka deponuar 455 € monedha metalike, të cilat kanë rezultuar se janë të falsifikuara. Monedhat janë konfiskuar nga njësitet policore, rasti është duke u hetuar”, thuhet në raport.