Një grua shtatzënë ka vdekur, katër persona janë lënduar dhe nëntë janë të zhdukur pas një tërmet të fuqishëm që goditi Filipinet.

Shërbimi Gjeologjik i ShBA-së mati lëkundjen e parë me magnitudë 7.6 ballë, e ndjekur nga katër pasgoditje të mëdha që kaluan magnitudën prej 6.0 ballësh, shkruan BBC.

Më herët, banorëve të zonave bregdetare të Surigao Del Sur dhe Davao Oriental u është thënë që të evakuohen pas tërmetit.

Njerëzit në disa qytete jo shumë larg nga epiqendra e tërmetit janë larguar nga ndërtesat dhe po qëndrojnë në zona të hapura.