KRU “Prishtina”, njofton qytetarët e komunës së Fushë Kosovës dhe disa zona të kryeqytetit se përshkak të turbullirave të ujit në kanalin e Ibër Lepencit, ka rënë nga sistemi Impianti i Trajtimit të Ujit në Shkabaj, andaj detyrohen të ndërprejmë furnizimin me ujë të pijshëm.

Njoftimi i plotë i KRU “Prishtina”.

Të nderuar konsumatorë, ju njoftojmë se si shkak i turbullirës së ujit në kanalin e Ibër Lepencit, vepra jonë e marrjes ka rënë nga sistemi Impianti i Trajtimit të Ujit Shkabaj, andaj detyrohemi të ndërprejmë furnizimin me ujë të pijshëm për konsumatorët e Fushë Kosovës duke filluar sonte nga ora 22:30.

Por, si pasojë e kësaj turbullire mund të afektohen edhe disa zona të kryeqytetit.