Njoftim nga Universiteti “Kadri Zeka” për regjistrimin e studentëve në vitin akademik 2021/2022
Universiteti Publik “Kadri Zeka” në Gjilan është në proces të akreditimit dhe ri-akreditimit të programeve studimore.
Këshilli Shtetëror i Cilësisë ende nuk e ka përmbyllur procesin e akreditimit dhe ri-akreditimit, prandaj, këtë vit do të shtyhet për pak kohë shpallja e konkursit për pranimin e studentëve të rinj në UKZ. Në bazë të dinamikës së tashme punës së KSHC-së, konkursi mund të shpallet në muajt gusht/shtator 2021.
Rektori Prof. Dr. Bajram Kosumi, në cilësinë e kryesuesit të Konferencës së Rektorëve të Universiteteve Publikë të Kosovës tha se vonesa në ri-akreditimin e programeve studimore, e cila përcakton vonesat edhe në hapjen e konkursit për studentë të rinj për vitin akademik 2021/2022 do të ndikojë negativisht në gjithë procesin e fillimit të vitit të ri akademik, por Universiteti Kadri Zeka dhe universitetet e tjera publike do t’ia dalin ta menaxhojnë situatën, nëse KSHC e përfundon punën e vet në korrik 2021.
Universiteti Publik “Kadri Zeka” në Gjilan ka këto programe studimi, disa të akredituara, disa në proces të ri-akreditimit e disa në akreditim:
- FAKULTETI I EDUKIMIT:
- Programi Fillor (BA), në proces të ri akreditimit,
- Programi Parashkollor (BA), në proces të riakreditimit,
- Programi Mësimdhënie e gjuhës dhe letërsisë shqipe (MA), në proces të akreditimit,
- Programi Mësimdhënie dhe kurrikula (MA), në proces të akreditimit.
- FAKULTETI JURIDIK
- Programi Juridik i Përgjithshëm (BA), i akredituar deri më 2025,
- Programi Qeverisja Lokale dhe Shoqëria Demokratike (MA), në proces të riakreditimit,
- Programi Juridik penal (MA), në proces të akreditimit.
III. FAKULTETIT EKONOMIK
- Menaxhim dhe Ndërmarrësi (BA), i akredituar,
- Financë dhe Kontabilitete i Aplikuar (BA), në proces të riakreditimit,
- Menaxhim dhe Ndërmarrësi (MA), në proces të akreditimit.
- FAKULTETI I SHKENCAVE KOMPJUTERIKE
- Programi Sistemet dhe Teknologjia e Kontrollit (BA), në proces të akreditimit,
- Programi Sistemet e Kontrollit dhe Inteligjenca Artificiale (MA), në proces të akreditimit,
- Programi E-Qeverisja (MA) – program interdisiplinar me Fakultetin Ekonomik dhe Fakultetin Juridik, në proces të reakreditimit.
- FAKULTETI I SHKENCAVE APLIKATIVE
- Programi Matematikë arsimore (BA), akredituar deri në vitin 2022.
Për kohën e hapjes së konkursit, procedurat e aplikimit e deri në përmbylljen e gjithë procesit të pranimit të studentëve të rinj për vitin akademik 2021/2022, kandidatët do të njoftohen me kohë përmes faqes zyrtare të Universitetit Publik “Kadri Zeka” në Gjilan si dhe përmes mediave të tjera.
I ftojmë të interesuarit të përgatiten për provimin pranues-
të tjerat i organizojmë ne si është më së miri!
