Fituesja e medaljes së artë në Lojërat Olimpike “Tokio 2020”, Nora Gjakova, ka thënë se ky është një sukses i jashtëzakonshëm sidomos për ekipin e tyre pasi që kanë kaluar të gjitha pritshmërit.

“Faleminderit edhe klubit të xhudos ‘Ipon’, faleminderit edhe popullit të Kosovës dhe kjo medalje është për të gjithë popullin e Kosovës”, ka thënë Nora Gjakova, e cila falënderoi trajnerin Driton Kuka për punën e madhe që ka bërë në rrugëtimin drejtë këtij suksesi.