Për shkak të të nxehtit të lartë në Arktik, autoritetet norvegjeze i kanë bërë thirrje automobilistëve që të rrisin vëmendjen përballë drerëve, që kanë filluar të strehohen nëpër tunele për t’u mbrojtur nga temperaturat e larta.

“Është shumë nxehtë prej disa javësh në veri të Norvegjisë. Për pasojë kafshët strehohen në vende më të freskëta”, shpjegoi sot Tore Lysberg, një përgjegjës i “Statens Vegvesen”, agjencia qeveritare norvegjeze e ngarkuar me menaxhimin e rrugëve.

“Si drerët dhe bagëtitë strehohen në tunele dhe kudo që ka hije për të qëndruar në freski”, theksoi ai, përcjell Atsh.

“Rekorde të të nxehtit u regjistruan të mërkurën në rajonet më jugore të vendit, ku termometri ka arritur 31,2 gradë Celcius”, njoftoi Instituti Meteorologjik norvegjez.

Kjo zonë është aq e nxehtë sa që prej fillimit të vitit është përballur me 12 netë “tropikale”, që do të thotë se temperaturat natën janë mbi 20 gradë Celcius, sipas institutit meteorologjik.