Notari amerikan Caeleb Dressel realizoi një tjetër performancë në kohë rekorde në stilin e lirë të meshkujve në 50 metra me 21,07 sekonda dhe rrëmbeu medaljen e tij të katërt të artë në Lojërat Olimpike 2020 në Tokio .

Dressel, 24 vjeç, theu rekordin olimpik në stilin e lirë të meshkujve në 50 metra, të mbajtur më parë nga Cesar Cielo i Brazilit me 21,30 sekonda në vitin 2008.

Të shtunën, notari amerikan vendosi një tjetër rekord të ri botëror pasi fitoi në stilin flutur në 100 metra për meshkuj për të rrëmbyer medaljen e tij të tretë të artë në Lojërat Olimpike të Tokios.

Ai përfundoi me një kohë prej 49,45 sekondash, duke përmirësuar rekordet e tij botërore dhe olimpike që ishin përkatësisht 49,50 sekonda dhe 49,71 sekonda.

Dressel fitoi medaljen e tij të parë të artë në Lojërat Olimpike të Tokios 2020 në stafetën e stilit të lirë 4×100 metra për meshkuj më 26 korrik.

Triumfet vijuan me një medalje tjetër të artë tri ditë më vonë në stilin e lirë në 100 metra, duke arritur cakun në 47,02 sekonda për të thyer rekordin prej 47,05 sekondash të vendosur nga Eamon Sullivan i Australisë në vitin 2008.

Dressel gjithashtu kishte fituar medalje ari në Lojërat Olimpike Rio 2016 në stilin e lirë 4×100 metra dhe përzierje 4×100 metra.