Alexander Nubel mund të transferohet në Bayern Munchen në verën e 2020 me parametra zero, raporton “Bild”.

Portieri i Schalke nuk ka marrë në konsideratë asnjë propozim të drejtuesve të klubit të “Gelsenkirchen” për rinovim kontrate, megjithatë faktin që tani ai është edhe kapiten i ekipit.

Sipas “Bild” dy janë alternativat, Nubel do huazohej për një vit për të ardhur në Bayern në 2021 për të zëvendësuar Neuerin, ose Neuer do zgjedhë të provojë një eksperiencë të re jashtë Gjermanisë në fund të karrierës dhe kështu Bayern do përfitonte nga shitja e tij.

Kontrata aktuale e Manuel Neuer përfundon në 2021 dhe mbetet për tu parë nëse bisedimet për rinovimin e kësaj kontrate do fillojnë së shpejti.