Nuhiu: Kam respekt për Malishevën, por luajmë për fitore
Trajneri i Dritës, Ardian Nuhiu, ka thënë se ka respekt të madh për kundërshtaren e radhës, Malishevën, derisa ka premtuar se futbollistët e drejtuar nga ai do t’i qasen me seriozitet të madh kësaj ndeshje.
“Kam respekt për kundërshtarin, e cila ka treguar se mund të befasojë çdo skuadër. Kësaj ndeshje do t’i qasemi me seriozitetin më të madh. Jam i lumtur me fitoren e fundit dhe me formën e skuadrës. E kemi ndier në ndeshjen e parë se sa me vështirësi e kemi fituar takimin. Do të kërkoj nga futbollistët që të dalin te vetvetja dhe të përpiqen të luajnë mënyrën e lojës që ne kërkojmë”, ka thënë Nuhiu.
“Ka qenë çështje kohe sepse kemi pasur ndryshime të shumta dhe, përveç ndryshimeve, kemi pasur edhe mungesa. Skuadra po mbrohet mirë, por na mungon krijimtaria në pjesën finale, ngaqë na kanë munguar sulmuesit. Tani më vjen mirë që ata janë kthyer, të cilët, përveç që janë kthyer, po e ndihmojnë skuadrën me gola dhe kanë marrë formën e tyre të duhur. Kam besim se nga ndeshja në ndeshje do të jemi mirë e më mirë dhe duke u njohur futbollistët me njëri-tjetrin, mendoj se do të performojnë edhe më mirë pas çdo ndeshje”, ka shtuar Nuhiu.
Pas njëmbëdhjetë xhirove, Drita renditet në pozitën e katërt me 19 pikë, kurse Malisheva pozicionohet në vendin e gjashtë me 12 pikë.
Islami: Kundër Malishevës do t’i marrim tri pikët e plota