Trajneri i skuadrës së Dritës nga Gjilani, Ardian Nuhiu, një ditë para ndeshjes me skuadrën e Drenicës, ka thënë se Drita me ndihmën e tifozëve do të shënojë fitore në këtë ndeshje.

“KF Drenica po bënë një punë të mirë, është skuadër e shpejtë në sulm dhe agresive në mbrojtje. Jemi munduar që në aspektin taktik të përgatisim një kundërlojë, që nesër besoj ta shfaqim në mënyrën më të mirë. Na gëzon fakti që kthehen tifozët tanë, na kanë munguar shumë, kam besim që do të na mbështesin dhe do t’i japin skuadrës një motiv shtesë për të shkuar drejt fitores”, ka thënë Nuhiu.

“Çdo ditë që po kalon djemtë po njihen me njëri-tjetrin dhe kam besim te grupi që nga ndeshja e nesërme t’i marrim pikët që i kemi lënë rrugës. Shpresoj që në ndeshjet e ardhshme t’i tregojmë kualitetet tona”, ka shtuar Nuhiu.