![](https://www.epokaere.com/wp-content/uploads/2024/08/IMG_4294.jpeg)
“Nuk festova për respekt të tifozëve” – Xhaka flet pas fitores së Bayer Leverkusen
Granit Xhaka dhe Bayer Leverkusen e kanë nisur mbrojtjen e titullit me një fitore si mysafir ndaj Borussia Monchengladbach me rezultat 3-2.
Xhakës iu deshën vetëm 12 minuta lojë për ta zhbllokuar rezultatin me gjuajtje shumë të fuqishme nga afro 30 metra për të mposhtur portierin Jonas Omlin.
Ndeshja u kthye në dramë, por Wirtz shënoi një gol në minutën e 101-të për t’i dhënë fitoren aspirinave.
Granit Xhaka ka folur pas ndeshjes, duke treguar se si u ndje në momentin e golit, por edhe si shkoi loja në tërësi.
“E di se si është të luash në këtë stadium, por ne bëmë gjithçka mirë në këtë ndeshje hapëse që ishte e veçantë. Topi erdhi tek unë në momentin e duhur dhe unë u desh të gjuaja menjëherë. Natyrisht, për shkak të respektit që kam ndaj tifozëve të Borussia Moenchengladbachut, nuk festova”.
“Nuk reagova mirë në rastin e parë dhe pranuam gol. E dhimbshme si pranuam gol të tillë. Kemi humbur shans 100 për qind kur rezultati ishte 20 dhe i dhuruam Gladbachut një tjetër mundësi për t’i barazuar shifrat”.
“Por ne e dinim se do të vinte tjetër rast për ne. Jemi të lumtur që e fituam penalltinë. Omlin e priti penalltinë mirë, por falë Zotit, Wirtzi shënoi gol”.
“Ne duam të luajmë në Ligën e Kampionëve edhe në sezonin tjetër, por e rëndësishme është që hapi i parë ishte i duhuri”, ka deklaruar Xhaka pas ndeshjes.
Xhaka dhe Leverkuseni edicionin e kaluar e mbyllën me triumf të dyfishtë në Gjermani, duke marr trofetë e Bundesligës dhe Kupës së Gjermanisë pa asnjë humbje të vetme.