Dhjetë vjet rresht pa fjetur në krevat, por jashtë, në mjedise të sajuara. Kjo është historia e dhimbshme e yllit të këngës shqiptare, Parashqevi Simaku, e treguar sonte nga Elvira Tata, një grua shqiptare që aktualisht jeton në Nju Jork.

Në një intervistë në Tv Klan, Tata tregoi detaje nga takimet dhe bisedat me Parashqevi Simakun.

Ajo pohoi se këngëtarja e famshme qëndronte duke fjetur mbi dy valixhe diku në rrugët e Nju Jorkut.

Tata tregoi se e mori që aty dhe e strehoi provizorisht në një dhomë hoteli luksoz në Manhattan.

Ajo tregoi se u largua për 3-4 orë për të bërë blerje dhe kur u kthye e gjeti në dush teksa Parashqevia i kishte thënë: Më falni që ndjeva gjatë në dush, dakord ikim për darkë, por pastaj më lini këtu të fle, të rritet disa ditë sepse kam dhjetë vjet që nuk fle në një krevat”.