Sekretari Amerikan i Shtetit, Anthony Blinken, ka njoftuar se ndaj tetë zyrtarëve kubanë janë vendosur sanksione të vizave.

Blinken tha se Kuba dënoi me burg protestuesit paqësorë.

Sekretari Amerikan gjithashtu tha se SHBA-ja qëndron me popullin kuban dhe në luftën e tij për liri.

“SHBA-ja vendosi sanksione në viza për 8 zyrtarë të qeverisë kubane. Ata që burgosin protestuesit paqësorë dhe i dënojnë me burgime të padrejta duhet të mbajnë përgjegjësi. Ne qëndrojmë me popullin kuban në luftën e tij për liri”.

Shtetet e Bashkuara të Amerikës sanksionuan edhe disa figura të famshme politike në Ballkan, duke filluar nga Sali Berisha në Shqipëri, e pastaj Millorad Dodik në Bosnjë dhe Hercegovinë, e po ashtu vendosën sanksione edhe ndaj nënkryetarit të Listës Serbe, Milan Radojçiq.