Përzgjedhësi i Kosovës, Franco Foda po mbanë konferencën e tij të parë për grumbullimin e muajit mars.

“Dardanët” do të luajnë me Armeninë më 22 mars dhe katër ditë më vonë me Hungarinë me të dyja sfidat që luhen në udhëtim.

Foda u pyet për mos grumbullimin e tre futbollistëve si Ermal Krasniqi, Qëndrim Zyba dhe top shënuesi i Superligës, Muhamet Hyseni.

Trajneri gjerman deklaroi se të gjithë futbollistët kanë qenë në vëzhgim dhe dera është e hapur për të gjithë edhe në grumbullimet e ardhshme.

“Të gjithë futbollistët janë në vëzhgim tonin. Edhe ata që i përmendët janë pjesë e rëndësishme e Kosovës, por për këto dy ndeshje kemi vendosur për këta futbollistë që janë në listë. Dera është e hapur për të gjithë dhe edhe atyre do t’iu vije mundësia në grumbullimet e ardhshme”.

Foda ka thënë se kohëve të fundit ka udhëtuar shumë për të parë edhe nga afër ndeshjet e skuadrave ku luajnë futbollistët kosovarë.

“Ne kohëve të fundit kemi qenë shumë në udhëtime, i kemi ndjekur lojtarët edhe nga afër dhe për këto arsye kemi vendos për këta futbollistë. Gjithsesi, tani të gjithë lojtarët kanë mundësi tani të tregojnë vetën”, tha Foda.