Në Kosovë është kapur një sasi e madhe droge. Bëhet fjalë për 400 kilogramë kokainë. Mësohet se droga vinte nga vendet e Amerikës Latine. Kokaina është kapur në një kamion me mish, i cili vinte nga Brazili.

Kapja e saj ka ardhur si rezultat i një operacioni mes policisë shqiptare, policisë italiane dhe asaj të Kosovës. Sinjali ka ardhur nga DEA amerikane. Droga prej tre ditësh është nisur drejt Kosovës, ku dhe është sekuestruar. Kamioni ka hyrë nga Italia në Portin e Durrësit 15 ditë më parë. Mësohet se pakove dhe kontenierëve u është vendosur çip.

Ndryshe, mediet në Shqipëri kanë raportuar se në Kosovë të hënën janë kapur 2.2 tonë kokainë.