Një qytetar ka thyer xhamin e njërit prej autobusëve të linjës 4 të “Trafikut Urban” në Prishtinë, pasi nuk u lejua të qëndronte pa maskë mbrojtëse brenda.

Kompania përmes një reagimi e ka dënuar rastin, duke i ftuar organet e drejtësisë të merren me rastin. “Në autobusët e TU do të vazhdohet të respektohen masat kundër Covid-19 dhe apelojmë te të gjithë qytetarët të bartin maskat dhe të mbajnë distancë gjatë udhëtimit në linjat e TU”, është thënë në reagimin e kompanisë.

Reagimi i plotë i “Trafikut Urban”:

Reagim ndaj sulmit të autobusit!

Me datë 22.08.2021, autobusi i “Trafikut Urban” i Linjës 4 i cili ka qenë me qytetarë duke qarkulluar në destinacionin nga parku i Gërmisë në drejtim të qytetit është sulmuar nga një qytetar i pa ndërgjegjshëm i cili pasi që nuk është lejuar të qëndroj në autobus pa maskë i revoltuar ka dalur nga autobusi duke e goditur autobusin dhe si pasojë ka ardhur deri  tek thyerja e xhamit, shqetësimi i qytetarëve si dhe stafit të autobusit.

Të shqetësuar rreth këtij rasti, dënojmë ashpër këtë sulm dhe të gjitha sulmet vandale të këtij lloji që janë duke u rritur gjatë kësaj kohe pandemie.

Kërkojmë që rastet e tilla mos të përsëriten më dhe sulmuesit të dalin para drejtësisë.