Kandidati për deputet nga PDK, Ragip Xhaka, ka zhvilluar sot disa takime të frymëzuese në Ferizaj, ku ka bashkëbiseduar me qytetarë të ndryshëm dhe figura të shquara.

Fillimisht, Xhaka ka pasur një takim me profesorin Agim Agushi, rekordmen Guinness, me të cilin ka diskutuar për planprogramin politik dhe sfidat që po përballet vendi. Më pas, ai ka kaluar pasditen duke u bashkuar me Sylejman Berishën, kandidatin për deputet nga Vitia, ku kanë biseduar për vizionin dhe planprogramin politik, duke ndarë një atmosferë motivuese për ndryshime pozitive.

Gjithashtu, Xhaka është mirëpritur nga klubi futbollistik FC Vllaznia në Pozheran, me të cilët ka diskutuar për rëndësinë e sportit për rininë dhe komunitetin tonë. Ky takim nënvizon angazhimin e tij për promovimin e sportit si një faktor kyç për zhvillimin e shoqërisë.

Postimi i tij i plotë:

Sot pata disa takime frymëzuese dhe plot energji pozitive! Fillimisht, pata kënaqësinë të takohem me profesorin Agim Agushi, rekordmen Guinness, së bashku me disa qytetarë. Diskutuam për planprogramin tim politik dhe sfidat që na presin. Mbështetja e Agimit dhe qytetarëve ishte e jashtëzakonshme, duke më dhënë motivim për të vazhduar me përkushtim në rrugën drejt së mirës së përbashkët. Faleminderit për mbështetjen e sinqertë!

Pasditen e kaluam me Sylejman Berishën, kandidatin për deputet nga Vitia. Diskutuam për vizionin dhe planprogramin politik, ndërsa atmosfera ishte jashtëzakonisht motivuese falë mbështetjes së fuqishme nga simpatizantët e partisë Demokratike në Viti. Faleminderit për përkushtimin dhe besimin tuaj që na jepni forcë për të sjellë ndryshime pozitive!

Gjithashtu, pata nderin të mirëpritem nga klubi futbollistik FC Vllaznia në Pozheran. Biseduam për sportin dhe rëndësinë e tij për rininë dhe komunitetin tonë. Falenderoj FC Vllaznia për mikpritjen dhe përkushtimin e tyre ndaj sportit. Së bashku do të vazhdojmë të promovojmë dhe mbështesim sportin në çdo cep të vendit tonë!