Në kuadër të vizitave nëpër institucione kulturo arsimore dhe institucioneve me rëndësi të veçantë, nxënësit e klasë së katërt të shkollës fillore “Hasan Prishtina” në Prishtinë, kanë vizituar Arkivin e Kosovës.

Aty janë pritur nga drejtori ekzekutiv i Arkivave, Bedri Zyberaj me bashkëpunëtor.

Kështu ka bërë të ditur vet kryeshefi Zyberaj përmes një postimi në llogarinë e vet në “Facebook”.

“Nxënësit e klasave të katërta të Shkollës “Hasan Prishtina” vizituan mjediset e punës të AShAK-së si Vendruajten e dokumenteve, Sallën e hulumtimit, Bibliotekën e Arkivit, Sallën e digjitalizimit, atë të shërimit të dokumenteve si dhe fragmente të Ekspozitës për Nënë Terezën.

Interesi i nxënësve ishte shumë i madh dhe me ato që panë shuan një pjesë të kureshtjes së tyre se çfarë ruhet dhe si punohet në arkiv”, ka shkruar Zyberaj.

Postimi i Zyberajt:

Sot, Arkivi Kosovës kishte vizitorë të veçantë.

Nxënësit e klasave të katërta të Shkollës “Hasan Prishtina” vizituan mjediset e punës të AShAK-së si Vendruajten e dokumenteve, Sallën e hulumtimit, Bibliotekën e Arkivit, Sallën e digjitalizimit, atë të shërimit të dokumenteve si dhe fragmente të Ekspozitës për Nënë Terezën.

Interesi i nxënësve ishte shumë i madh dhe me ato që panë shuan një pjesë të kureshtjes së tyre se çfarë ruhet dhe si punohet në arkiv.

Fëmijët janë të mirëpritur kurdoherë në AShAK!