![](https://www.epokaere.com/wp-content/uploads/2020/04/3E245CA4-541C-4E35-A7F7-80F7B3DE5CB9_cx0_cy10_cw0_w1023_r1_s.jpg)
OBSH: Gati gjysma e viktimave me Covid-19 janë regjistruar në shtëpi kujdesi
Pothuajse gjysma e të gjithë personave që kanë vdekur nga koronavirusi në Evropë kanë qenë banorë të shtëpive të kujdesit, ka thënë drejtori rajonal i Organizatës Botërore të Shëndetësisë në Evropë, Hans Kluge.
Ai ka thënë në një konferencë për media të enjten se “ka të dhëna shqetësuese” për ata që jetojnë në shtëpi kujdesi.
“Sipas të dhënave të shteteve nga rajoni evropian, gati gjysma e atyre që kanë vdekur nga sëmundja Covid-19, kanë qenë banorë të shtëpive të kujdesit. Kjo është një tragjedi njerëzore e paimagjinueshme”, ka thënë mes tjerash ai.
Për koronavirusin e ri është raportuar filimisht në Vuhan të Kinës në fund të vitit të kaluar.
Si pasojë e këtij virusi deri më tani në gjithë botën janë infektuar mbi 2.6 milionë persona derisa mbi 180,000 kanë vdekur./rel/