Virusi nuk luftohet përmes strategjisë së imunitetit të masës. Organizata Botërore e Shëndetësisë e cilësoi si të rrezikshëm këtë koncept, në kushtet kur mungon një vaksinë. Sipas OBSH-së kjo do të ishte fatale për popullin e vendeve.

“Njerëzit nuk janë kope. Kështu që koncepti i imunitetit të masës është në përgjithësi i bazuar në përllogaritjen e personave që do të duhet të vaksinohen në një popullatë në mënyrë që të gjenerohet efekti i njëjtë. Mendoj se duhet të tregohemi shumë të kujdesshëm kur e përdorim termin në këtë mënyrë përhapjeje natyrale të infeksionit te njerëzit, sepse mund të çojë në një aritmetikë brutale, e cila nuk vendos njerëzit, jetën dhe vuajtjet në qendër të atij ekuacioni.

Ndoshta disa shtete mund ta përfitojnë në mënyrë magjike imunitetin e masës. Por çfarë ndodh nëse humbasin disa të moshuar gjatë kësaj rruge. Mendoj se kjo është një përllogaritje e rrezikshme. Por, unë besoj se shtetet anëtare, të përgjegjshme, do të kujdesen për popullatën e tyre”, tha Michael Ryan, drejtor ekzekutiv i Programit të Emergjencës Shëndetësore i OBSH.