Oda e Hotelerisë dhe Turizmit e Kosovës (OHTK) ka kërkuar nga qeveria që t’i heqë kufizimet ndaj bizneseve. Kjo odë ka vlerësuar se është zvogëluar numri i të infektuarve dhe se këto biznese nuk kanë qenë shkaktare të Covidit.

OHTK-ja ka kërkuar që të hapen edhe ambientet e mbyllura, si dhe sallat e dasmave, duke iu përmbajtur rregullave të vendosura me ligj.

“Numri i madh i gjobave te këto biznese vë në dyshim punën e inspektoratit, prandaj OHTK-ja kërkon që të sillen konform ligjit aktual që është në fuqi. OHKT-ja përkrah shembullin e Komunës së Prishtinës dhe të Obiliqit që t’i lirojë nga tatimet deri në fund të vitit këto biznese”, është thënë në komunikatën e OHTK-së, duke bërë me dije se nëse nuk merren masa për lirimin nga kufizimet e parapara, do të shqyrtohet mundësia për të marrë masa të tjera.