Oficerët doganorë, kanë kapur sasi të barnave në dy raste të ndara. Në pikëkalimin kufitar të Vërmicës, janë kapur sasi e konsiderueshme e impianteve dentare. “Gjatë kontrolleve rutinore oficerët doganor kanë identifikuar një automjet të dyshimtë me targa të Shqipërisë”, është thënë në njoftimin e Doganës së Kosovës.

Sipas këtij njoftimi, pas ndaljes dhe selektimit për kontroll detal oficerët doganor kanë gjetur në pjesën e ulëseve te pasme, mallrat si në vijim:

1.Impiante dentare “DuravitEvolution”
2.Impiante dentare “Duravit 3 P”
3.Kocka dentare “Novocor plus”.

“Sasia totale ishte mbi 100 copë. Personi përgjegjës nga Republika e Shqipërisë është proceduar për kundërvajtje doganore. Derisa në Dheun e Bardhë oficerët doganor gjatë kontrollës së automjeteve në hyrje kanë ndaluar një person me tabela të republikës së Serbisë, pas pyetjes së oficereve doganor se nëse ka për të deklaruar pala është përgjigjur “Jo”. Oficerët doganor gjatë kontrollës në bagazh kanë vërejtur se ndarja ne mes karrikave dhe se bagazhi s’ishte e formës standarde, por e modifikuar, në ato momente vozitësi ka ikur duke rrezikuar oficerët doganor. Së bashku me oficerët e policisë është arritur të identifikohet personi ku pas ndaljes janë gjetur edhe barnat e fshehura në afërsi të një pompe benzine. Rasti është proceduar në prokurori”, thuhet në njoftim.