Sipas dosjes së hetimit, Antonov, me origjinë nga Tatarstani, u dërgua për të përforcuar njësitë e pushkëve të motorizuara që mbulonin kufirin në rajonin Kursk të Rusisë.

Një oficer rus qëlloi një ushtar të rekrutuar 19-vjeçar, Artem Antonov, sepse refuzoi të shkonte të luftonte në Ukrainë: kjo është me sa duket arsyeja që e shtyu oficerin të hapte zjarr në kampin e stërvitjes më 21 tetor.

Një histori shqetësuese e rrëfyer nga “Important Stories” që mblodhi ankesën nga familja e djalit.

Sipas dosjes së hetimit, Antonov, me origjinë nga Tatarstani, u dërgua për të përforcuar njësitë e pushkëve të motorizuara që mbulonin kufirin në rajonin Kursk të Rusisë.

Gjatë një mësimi mbi mënyrën e përdorimit të armëve, togeri – identiteti i të cilit nuk u bë i ditur – hoqi siguresën nga pushka e tij sulmuese AK-12 dhe qëlloi një breshëri në drejtim të ushtarëve, duke vrarë menjëherë 19-vjeçarin.

Familja e ushtarit pretendon se për shkak të refuzimit të tij për të nënshkruar kontratën për t’u dërguar në front, Antonov iu nënshtrua vazhdimisht torturave dhe abuzimeve.

I njëjti i ri u kishte thënë miqve të tij më të ngushtë në një postim të publikuar në rrjetet sociale – i cili u fshi menjëherë pas vdekjes së tij – se ishte rrahur me shufra hekuri dhe e kishin vënë në detyrë për tetë ditë rresht.

Të afërmit thanë se e dinë emrin e togerit që hapi zjarr, por kanë frikë ta bëjnë publik.

Antonov “vendosi të sakrifikojë jetën e tij për atdheun”, thuhet në një nekrologji të postuar në rrjetet sociale.