Organizata e Kombeve të Bashkuara (OKB) ka shprehur shqetësim për retorikën gjithnjë e më konfrontuese midis Shteteve të Bashkuara të Amerikës (ShBA) dhe Iranit dhe bënë thirrje për qetësi.

Në një nga postimet e tij në llogarinë e vet në “Twitter”, presidenti amerikan, Donald Trump, ka shkruar se “nëse Irani do luftë, ajo do të jetë fundi zyrtar i Iranit”.

Ministri i Jashtëm iranian, Mohammad Javad Zarif, i ka hedhur poshtë, siç ka thënë provokimet e Trumpit për “gjenocid” dhe e ka paralajmëruar presidentin amerikan që të mos e kërcënojë Iranin.

“Ne jemi të shqetësuar për retorikën e tensionuar”, ka thënë zëdhënësi i OKB-së, Stephane Dujarric, dhe bëri thirrje për qetësi.

Vërejtjet e tij vijnë në kohën e shqetësimeve për një konflikt të mundshëm ushtarak midis Shteteve të Bashkuara dhe Iranit.

Uashingtoni ka urdhëruar forcimin e pranisë ushtarake të ShBA-së në Lindjen e Mesme dhe Gjirin Persik, duke u thirrur në “kërcënime të menjëhershme” nga Irani.

Teherani i ka hedhur poshtë akuzat e ShBA-së dhe ka theksuar se Uashingtoni po i përshkallëzon tensionet.

Të dyja palët kanë thënë se nuk duan luftë.

Tensionet mes tyre janë rritur dukshëm javëve të fundit, pasi ShBA-ja ka forcuar sanksionet kundër Iranit, ndërsa ky i fundit ka kërcënuar se do të pasurojë uranium më pranë niveleve të armëve bërthamore.