Olta Gixhari: Jam e bindur që Luizi do ta fitojë Big Brotherin, e kam parë jashtë se sa shumë e duan njerëzit
Olta Gixhari ka pak javë që u largua nga shtëpia e famshme e Shqipërisë, Big Brother VIP.
Ajo doli me dëshirë pasi nuk mund të qëndronte më shumë për shkak të mallit që ndiente për të birin.
Aktorja së fundmi ka bërë një live për fansat, përmes të cilëve ka marrë pyetje të ndryshme.
Njëra nga pyetjet që iu parashtrua kishte të bënte me fituesin e Big Brotherit, kush mendon ajo se do ta fitojë këtë edicion.
“Jam e bindur që do ta fitojë Luizi, do doja të fitonte një femër siç e kam thënë dhe për mua absolutisht më e sakta aty brenda është Dea. Mendoj që dyshja finale do të jetë Dea, Luizi dhe shpresoj të jetë kështu”, shtoi artistja e njohur.
Olta përndryshe ka qenë njëra nga konkurrentet pretendente për të fituar Big Brotherin, një kundërshtare e madhe e artistit shkodran.
