Në gusht të këtij viti, Olta Gixhari, u bë nënë për herë të parë. Aktorja e dashur për publikun solli në jetë një djalë, të cilin e pagëzoi me emrin Amar.

Së fundmi, Olta ka treguar një “shqetësim” të madh që prej kohës kur është bërë nënë dhe të gjithë duhet ta merrni me mend se është gjumi!

Ajo ka ndarë me ndjekësit një fotografi në “Instastory”, ku shpreh edhe një dëshirë. “Nuk dua të fle si bebe, dua të fle si burri im”, shkruhet në foton me të cilën Olta bie totalisht dakord.

Kujtojmë se që para lindjes së vogëlushit, aktorja u zhvendos në Spanjë te partneri i saj, ku kaluan karantinën së bashku e më vonë u bënë prindër për herë të parë.

Megjithëse është gjatë gjithë kohës me partnerin, Olta nuk na e ka treguar asnjëherë portretin e tij, të cilin preferon ta mbajë sa më larg syrit të mediave.