Dy të rinj shqiptarë janë arrestuar nga policia britanike në Derbyshire të Anglisë si pjesë e një operacioni kundër shtëpive të barit.

Sipas raportimeve nga mediat vendase, ka qenë 26 vjeçari, Ildi Sula ai i cili ka pranuar veprimtarinë e paligjshme dhe u deklarua fajtor për prodhimin e kanabisit. Me ndihmën e një përkthyesi shqiptar ai pranoi se kishte kultivuar 70 bimë kanabisi në shtëpinë ku jetonte.

Po ashtu është arrestuar edhe 19 vjeçari, Gentian Sefa i cili akuzohet për kultivim të lëndëve narkotike, ndërhyrje në sistemin e energjisë elektrike dhe shpërndarje kanabisi.

Të dy shqiptarët janë lënë në burg deri në zhvillimin e një seance gjyqësore ndaj tyre ku do t’u bëhet me dije dënimi i caktuar për veprën penale të kryer.