Kryeministri Edi Rama i është nënshtruar një ndërhyrjeje kirurgjikale.

Zyra e shtypit e  kryeministrit njofton se natën e mbremshme, pas kryerjes së disa testeve imazherike në qendrën spitalore universitare “Nënë Tereza”, Rama u diagnostikua me appendisit akut.

Në bazë të rekomandimit të mjekëve të shërbimit të urgjencës, kryeministri iu nenshtrua operacionit për heqjen e appendiksit në orët e para të mëngjesit të sotëm.

Operacioni u krye nga ekipi i mjekëve kirurgë dhe anestezistë, nën drejtimin e prof. Arben Gjata, shef i shërbimit të Kirurgjisë në QSUT.

Ndërhyrja konsiderohet e suksesshme dhe gjendja shëndetësore e kryeministrit Rama paraqitet e mirë.