Opozita bojkoton seancën për ekipin negociator të Qeverisë
04 shtator 2018
| 10:37
Tri partitë opozitare, Lidhja Demokratike e Kosovës, Lëvizja Vetëvendosje dhe Partia Socialdemokrate (PSD), me përjashtim të deputetes Teuta Rugova, kanë bojkotuar seancën e Kuvendit në të cilën është duke u diskutuar për ekipin negociator të Qeverisë në dialogun me Serbinë.
“Ne nuk marrim pjesë sepse mendojmë se kjo është një përpjekje e kryeministrit dhe Qeverisë për ta prishur seancën e orës 10:00. Ne nuk do të lejojmë që askush të luajë me territorin e Kosovës. Ne do të marrim pjesë në seancën e orës 10:00”, ka thënë Avdullah Hoti pas mbledhjes së grupit parlamentar të LDK-së.